Oğurlanan hər dörd avtomobildən biri “Toyota Land Cruiser” olub – SİYAHI

Yaponiyada oğurlanan hər dördüncü avtomobil “Toyota Land Cruiser” olub. Avtosfer.az xəbər verir ki, 2024-cü ildə model ölkədə oğurlanan avtomobillər arasında birinci yeri tutub. Bu barədə yerli Baş Sığorta Assosiasiyasının 2024-cü ilin yekun hesabatında bildirilib.
Qeyd olunub ki, il ərzində bu yolsuzluq avtomobillərindən 688 ədəd oğurlanıb, bu da 2023-cü illə müqayisədə təxminən iki dəfə (383 ədəd) çoxdur.
Bundan əlavə, ilk üçlük siyahısına daha iki “Toyota” modeli daxildir – “Alphard” və “Prius”.
Antireytinqi, dördüncü və beşinci yerlərdə isə “Lexus LX” və “RX”, altıncı yerdə “Crown” sedanı, yeddinci və səkkizinci yerdə “Hiace” və “Velfire” minivenləri, doqquzuncu yerdə” Lexus LS” və “Toyota Voxy” tamamlayıb.
Bununla da, Yaponiyada ən çox oğurlanan avtomobillərin ilk 10-luğuna sırf “Toyota” və “Lexus” avtomobilləri daxildir.
Həmçinin hesabatda, ötən ildə Yaponiyada ümumilikdə 2499 avtomobilin oğurlandığı və oğurluğa görə orta sığortanın ödənişinin 2, 815 milyon yen təşkil etdiyi göstərilib. Bu da bugünkü məzənnə ilə manata çevrildikdə 32382,86 AZN təşkil edir.

Namiq Musayev