Ötən ilin ən bahalı avtomobilləri məlum oldu - FOTO

Ötən il "RM Sotheby's" hərraclarında 75 avtomobil qiymət rekordu müəyyən edib.

Avtosfer.az "Robb Report"a istinadən xəbər verir ki, ən bahalı səkkiz avtomobil toplam 200 milyon dollardan baha satılıb.

Son bir il ərzində avtomobil hərraclarında ən bahalı nümunə 51.2 milyon dollara satılan 1954-cü il istehsalı "Mercedes-Benz Streamliner" olub.

Həmçinin, ən bahalı avtomobillərin ilk onluğuna 1964-cü ilin "Ferrari 250 LM Scaglietti" (36 milyon dollardan baha), "Ferrari Daytona SP3" (26 milyon dollar), 1994-cü ilin "McLaren F1" (25.3 milyon dollar), "Gordon Murray S1 LM" (20 milyon dollar), 1966-cı il "Ford GT40 Mk II" (13.2 milyon dollar), 2026-cı il "McLaren F1" yarış avtomobili (11.5 milyon dollar), 1993-cü il "Ferrari F40 LM" (11 milyon dollar) və unikal "Pagani Zonda" (10,1 milyon dollar) modelləri daxil olub.

Bütövlükdə, 2025-ci ildə "RM Sotheby's" hərracənda cəmi 1 024 kolleksiya avtomobili satılıb.