Özbəkistan köhnə avtomobillərlə bağlı Avropa modelinə keçir  

Özbəkistanda 2026-cı ildən etibarən yaşı 50-ni ötmüş avtomobillərin istismarının qadağan edilməsi müzakirə edilir.

Avtosfer.az xəbər verir ki, qanun layihəsi artıq hökumət portalında yayılaraq ictimai müzakirəyə çıxarılıb.

Layihəyə görə istehsal tarixi 50 ili ötmüş nəqliyyat vasitələri uçotdan çıxarılacaq və onların təkrar qeydiyyata alınması qadağan ediləcək. Burada yalnız “antikvar” kateqoriyalı avtomobillər istisna təşkil edəcək. Belə maşınlara xüsusi nömrə nişanı veriləcək, gündəlik istifadəsi məhdudlaşdırılacaq. 

Əslində bu, dünyada ilk deyil. Avropa ölkələrində belə sistem 40 ilə yaxındır tətbiq edilir. Məsələn, Almaniyada yaşı 30-u ötmüş həqliyyat vasitələrinə H (tarixi) seriyalı nömrə nişanları verilir.

İllik qət edilən yola da limit tətbiq olunur.
Rəsmi statistikaya görə Özbəkistanda yaşı yarım əsrin ötmüş 87 600 avtomobil var. Son bir ildə bu nəqliyyat vasitələri ilə baş vermiş 67 qəza 23 nəfərin həyatına son qoyub.

Vüqar