Piyadanı vuran sürücü maşını qoyub qaçdı - Bakıda - FOTO

Bakıda piyadanı vuran sürücü hadisə yerindən qaçıb. Avtosfer.az-ın “musavat.com”-a istinadən xəbərinə görə, Sabunçu-Zabrat avtomobil yolunda baş verən qəzada şəxsiyyəti məlum olmayan 45-50 yaşlarında kişi ağır bədən xəsarətləri alıb. Qəzanı törədən "VAZ 2109" markalı avtomobilin sürücüsü hadisə yerindən qaçıb. Bir neçə dəqiqə sonra isə naməlum şəxslər gələrək avtomobili qəza baş verən ərazidən aparmaq istəyiblər. Lakin avtomobil yararsız vəziyyətə düşdüyündən onlar avtomobilin dövlət nömrə nişanlarını çıxarmaqla kifayətlənib uzaqlaşmalı olublar. Vəziyyəti ağır olan piyada isə hadisə yerinə çağırılan təcili tibbi yardım maşını ilə 3 saylı Şəhər Klinik Xəstəxanasına çatdırılıb.