Pulun varsa, ver “Zapı”ya, qoy qapıya – FOTOLAR

Bu gün şəhərimizin küçələrində şütüyən bir-birindən gözəl avtomobillər göz qamaşdırır. Xüsusilə də “inomarkalar”ın sayı üstünlük təşkil edir. İndi Sovet maşınlarının bəziləri keçmişin yadigarı kimi qorunur. Hətta bəzən qeyri-adi üslubda “yığdırılmış” avtomobillərə də rast gəlirik.

O vaxtlar ən kasıb maşın “Zaporojets” sayılırdı. Hətta belə bir deyim də formalaşmışdı: “Pulun varsa, ver “Zapı”ya”, qoy qapıya”. Stajlı maşın həvəskarları dəqiq xatırlayar. Köhnə Bakıda əsasən “Zaporojets”in iki növü daha populyar idi. Biri ZAZ 968 markalı tanıdığımız xalq maşını idi. Digərinə isə el arasında “Yumurta” deyirdilər. Ancaq “Zaporojets” avtomobil zavodunun geniş yayılmayan xeyli növləri də olub.

Avtosfer.az unudulan “Zaporojets”lərin bir neçəsini təqdim etməklə oxucuları keçmişə qaytaracaq:

ZAZ - 967

ZAZ 967 – bu sovet maşını həm də suda uzun məsafə qət edə bilirdi.

ZAZ taksisinin sovet layihəsi

 

"Zaporojets" avtomobil zavodunun ən yaxşı konkurs layihələrindən biri - Taksi.

Sovet yük avtomobili - ZAZ 970

 

ZAZ 970 1961-ci ildə "Zaporojets" zavodunda istehsal olunmuşdu.

Sovet minik avtomobili - ZAZ 1102

 

Məşhur "Tavriya" markalı avtomobilin ilk növü 1970-ci ildə Zaporojets avtomobil zavodunda hazırlanıb.

Sovet minik avtomobili - ZAZ 968MP

 

1990-cı ildə istehsal olunan Zaporojetsin "Pikap" modeli.

Sovet minik avtomobili - ZAZ 1102 (2-ci nəsil)

 

ZAZ 1102 1973-cü ildə istehsal olunan ikinci nəsil sedan markalı zaporojetsdir.

Sovetin Pikapı - ZAZ 965P

 

 

Balaca yük pikapı - ZAZ 965P 1963-cü ildə istehsal olunub.

 

 

ZAZ 969

 

Bu həm yük, həm də sərnişin avtomobili ZAZ 969-dur. 1964-cü ildə cəmi iki dənə buraxılıb.

Sovet mikroavtobusu - ZAZ 970B

 

ZAZ 970B mikroavtobusu 1962-ci ildə istehsal edilib.

Sovet minik avtomobili - ZAZ 1102 (3-cü nəsil)

 

1976-cı ildə istehsal olunub.

Sovet minik avtomobili - ZAZ 1701

 

Sovet ailə maşını - ZAZ 1701, 1990-cı ildə istehsal olunub.