“Robot karopka” maşın sürənlərin nəzərinə: Bunu mütləq bilməlisiniz

Azərbaycanda avtomat ötürücülü avtomobillər artıq mexaniki ötürməli modelləri sayca qabaqlayır. Lakin sürücülər son model, yəni variatorlu və robotlaşmış sürət qutularına çox da maraq göstərmirlər. Bu aqreqatların etibarsız olması barədə artıq bir çox sürücüdə daşlaşmış fikir yaranıb. Bəs robotlaşdırılmış sürət qutusu həqiqətənmi etibarsızdır? Bunu qorumağın yolları yoxdurmu?
Avtosfer.az rus mənbələrinə istinadla xəbər verir ki, əslində robotlaşdırılmış sürətlər qutusu kifayət qədər etibarlı aqreqatdır. Pis rəyin yaranma səbəblərini istehsal keyfiyyətindən daha çox, istismar keyfiyyətində axtarmaq lazımdır. Nə qədər qəribə olsa da, aşağı keyfiyyətli yanacaq bu aqreqatların ömrünü qısaldır. Xüsusən də benzin mühərrikli modellərdə müşahidə olunur. Səbəb isə detonasiyadır. Mühərrikdə silkələnmə və titrəyişin artması ötürmələr qutusunun resursunu azaldır.
Burda bir haşiyə çıxaq: Azərbaycanda sürücülərin böyük əksəriyyəti 95 oktan nəzərdə tutulan mühərriklərdə 92 oktanlı benzin istifadə edir. Bir çox sürücü özünü 92 oktanın daha yaxşı olduğuna inandırıb. Bu yanacağın detonasiyaya davamlılığı aşağı olduğundan həm mühərrikin, həm də robotlaşdırılmış sürət qutusunun ömrünü qısaldır. Lakin sürücülər bütün hallarda istisnasız olaraq istehsalçını ittiham edirlər.
Bununla belə, robotlaşdırılmış sürət qutusunun uzunömürlü olması üçün sürücülük vərdişləri dəyişməlidir.
Səhər hərəkətə başlamazdan əvvəl mühərriki bir neçə dəqiqə işlətdikdən sonra yola çıxmaq;
Hərəkətə başlayarkən D və R rejimini tormoz pedalı basılı halda seçilmək;
Hərəkətə başladıqda kəskin qaz verməməli, “işıqfordan birinci ayrılım” fikri kənara atılmalıdır;
Pis yollarda, sərt eniş və yoxuşda mütləq aşağı ötürməyə keçilməlidir;
Mexaniki ötürmədən fərqli olaraq robotlaşdırılmış sürət qutusu ilə neytral rejimdə üzüaşağı hərəkət etmək olmaz. Çünki neytraldan D rejiminə hərəkət vaxtı keçmək bir anda bütün dişli çarxları sıradan çıxara bilər.
Robotlaşdırılmış sürət qutusu olan avtomobildə yedəyəalmadan qaçmaq zəruridir. Bu maşınlar hansısa qoşqu dartmaq və ya xarab olmuş digər avtomobili servisə qədər dartmaq üçün nəzərdə tutulmayıb.
Bu tövsiyələrə əməl edilərsə robotlaşdırılmış sürət qutusu on minlərrlə kilometr problemsiz istismar oluna bilər. Əməl etmək istəməyənlər isə mexaniki ötürməli avtomobil alsa daha yaxşı olar.
Müəllif: Vüqar Yaşaroğlu
“Mercedes” 70-ci illərdəki prototipi hərraca çıxarır – 25 milyon USD - FOTOLAR
"BMW" böyük dəyişikliklərə hazırlaşır: Bəzi məşhur modellər əvvəlki kimi olmayacaq - FOTO
Evində maşını olanların NƏZƏRİNƏ!
"BMW" sahiblərinə qəribə müraciət: Maşını qarajda saxlamayın
Elektromobillərin daha bir mənfi tərəfi üzə çıxdı
Avtomobilin sobası niyə yaxşı qızdırmır? - 5 əsas SƏBƏB
Böyük dövrlü mühərrik elektromobil üçün üstünlükdürmü?
Çin avtomobili kraş-testdə 0 bal aldı - VİDEO
Süni intellektə görə avtomobillər bahalaşa bilər
Bakıda ucuz qiymətə maşınlar satışa çıxarılacaq - QİYMƏTLƏR
"Honda"nın bir milyondan çox avtomobili yoxlanılacaq












