Sərxoş sürücü polisləri aldatmağa çalışdı - VİDEO

Çində sərxoş vəziyyətdə avtomobil idarə edən şəxsin polislərlə söhbəti ortaya maraqlı görüntülər çıxarıb. Avtosfer.az atv-az-a istinadən xəbər verir ki, asayiş keşikçiləri sərxoş olduğu hər hərəkətindən bəlli olan sürücünün nəfəstindəki alkoqolun həddini ölçməyə çalışsa da, buna asanlıqla nail ola bilməyiblər.

Qonaqlıqda 3 badə şərab içən sürücü, yaxalanacağı təqdirdə cəzalandırılacağını bildiyindən, ayıq adam rolunu oynamağa çalışıb. Polislər ondan  alkoqol ölçmə cihazına nəfəsini üfürməyi tələb etsə də,  çinli sürücü hər dəfə özünü yalandan əmrə tabe olurmuş kimi göstərib.

Kənardan baxanda sanki bu şəxs var gücü ilə  nəfəsini cihaza üfürür. Əslində isə polisləri aldatmağa çalışan sürücü, guya cihazın xarab olduğunu sübut etməyə çalışır.

Amma polislər fırıldaqçı sürücüdən daha inadkar çıxıb. Sonadək ondan cihaza doğru-düzgün nəfəs üfürməyi tələb edən asayiş keşikçiləri nəhayət istədiklərinə nail olublar. Başqa çıxış yolunun qalmadığını görən sürücü əmri yerinə yetirib və onun qanındakı alkoqolun  normadan çox olduğu təsdiqlənib. Nəzarətə götürülən  sərxoş sürücünün cərimələnəcəyi bildirilib.