Sumqayıtda dəhşətli qəza: 6 nəfər öldü – FOTO

Sumqayıt şəhərində ağır yol qəzası baş verib. Avtosfer.az Trend-ə istinadən xəbər verir ki, hadisə bu gün saat 22:20 radələrində Bakı-Quba-Rusiya avtomobil yolunun 43-cü kilometrliyində, H.Z.Tağıyev qəsəbəsində baş verib. "Volkswagen Passat” markali 99-DZ-632 dövlət nömrə nişanlı avtomobil 60-BS-663 dövlət nömrə nişanlı "LADA-110" markalı avtomobil ilə toqquşub. Hadisə vaxtı hər avtomobildə 3 nəfər olub. Qəza nəticəsində avtomobillərdə olan 6 nəfərin hamısının həlak olduğu bildirilir. Bir yaralınını olduğu da bildirilir. Hadisə yerinə üç təcili tibbi yardım briqadası gəlib. Qəzaya “Passat” markalı avtomobilin Quba-dan Bakı istiqamətində hərəkət edən “LADA-110” markalı avtomobilin yoluna çıxması səbəb olduğu bildirilir.

Fövqəladə Hallar Nazirliyi yol-nəqliyyat hadisəsi ilə bağlı məlumat yayıb. Məlumata əsasən, magistral yolun 40-cı km-də “Volkswagen” markalı minik avtomobili ilə “Lada” markalı minik avtomobili toqquşub. Dərhal nazirliyin Sumqayıt Regional Mərkəzinin xilasetmə qüvvələri hadisə yerinə cəlb olunub. Xilasedicilər “Lada” markalı minik avtomobilində sıxılmış vəziyyətdə qalmış Məmmədov Elnur İsfəndiyar oğlunun və şəxsiyyəti məlum olmayan 2 nəfərin cəsədlərini çıxarıb və aidiyyatı üzrə təhvil veriblər.

Faktla bağlı araşdırma aparılır.