Sürücülər diqqətli olsun - Qoşqulu traktorlar yollarda təklükə yaradır - VİDEO

Heç bir xəbərdaredici işıqlandırma olmadıgından traktorlarla gecə yük daşınması təhlükəyə səbəb olur. Bu görüntülər Sabirabaddandır. Pambıq yığımı aparıldıgından qoşqulu traktorlar da iş başındadır. Xüsusi ilə axşam saatlarında avtomobillərin daha sıx hərəkət etdiyi yollarda pambıq və digər yükləri daşıyan işıqsız qoşqulu traktorlara rast gəlmək olur. Bu da ilk növbədə digər sürücülər üçün təhlükə mənbəyi deməkdir. Traktor sürücüləri də tutulan iradlarla razıdır.

Bənzər görüntülər Bərdədəndir. Bir çox traktor və yük maşını sürücüləri sənədləri qaydasında olmadıgına görə yükləri gecə daşıyırlar. Bu da təhlükəli hala yol açır.

Bununla baglı yol polisi bölmələrindən bildirilib ki, belə nəqliyyat vasitələrinə qarşı cərimələr tətbiq edilir. Təhlükəsizliyə qarşı tədbirlər də davam etdirilir.