"Suzuki"nin iki rəhbər şəxsi istefa verib

"Suzuki Motor Corp."-un baş icraçı direktoru Osamu Suzuki tutduğu vəzifədən istefa verib. Avtosfer.az xəbər verir ki, buna səbəb şirkətin istehsal etdiyi bəzi avtomobillərdə yanacaq sərfiyyatının həqiqəti əks etdirməməsidir.

O. Suzuki deyib ki, o, iyunun sonunda keçiriləcək səhmdarların ümumi yığıncağında baş icraçı direktor vəzifəsinə namizədliyini irəli sürməyəcək. Maraqlıdır ki, O. Suzuki şirkətin prezidenti kimi fəaliyyətini davam etdirəcək. Daha bir maraqlı fakt odur ki, şirkətin vitse-prezidenti Osamu Honda baş verənlərlə bağlı məsuliyyəti öz boynuna götürüb və istefa verəcəyini açıqlayıb.