Tələbələr "Porche"-ni yandırdılar - FOTO

Fransanın paytaxtı Parisdə əmək qanunvericiliyinə qarşı etiraz aksiyaları keçirilib. Aksiya iştirakçıları ilə polis arasındakı toqquşmada 24 polis əməkdaşı yaralanıb, 100 nümayişçi həbs olunub. Avtosfer.az xəbər verir ki, bu barədə milli.az liberation-a istinadən bildirir ki, Fransanın daxili işlər naziri Bernar Kaznövün dediyinə görə, 3 polis əməkdaşı yaralanıb. Onlardan birinin vəziyyəti kritikdir.

Dünən Fransanın Nant, Lion, Marsel, Tuluza şəhərlərində də etiraz aksiyaları keçirilib. On minlərlə insanın qatıldığı aksiyalarda şinlər yandırılıb, polisə daşlar və butulkalar atılıb. Parisdə tələbələr Porche avtomobilinə od vurublar.

Fransa parlamentinə gələn həftə müzakirə ediləcək qanun layihəsi işdən çıxarılmadan müdafiə tədbirlərinin azaldılmasını nəzərdə tutur. Deputatların dediklərinə görə, qanun layihəsi xroniki işsizliyə qarşı mübarizəni effektiv edəcək, iş adamlarına daha çox insanı əmək fəaliyyətinə cəlb etməyə imkan verəcək.