“Tesla” bu modeli altıncı dəfədir GERİ ÇAĞIRIR - QƏZA RİSKİ VAR

“Tesla” şirkəti 2024-cü model ilinə aid 2,4 min “Cybertruck” elektrik pikapını geri çağırır.

Avtosfer.az xəbər verir ki, bu barədə ABŞ Milli Avtomobil Yolları Hərəkətinin Təhlükəsizliyi İdarəsi məlumat yayıb.

Məlumata görə, buna səbəb pikaplarda ötürücü çeviriciyində yaranan nasazlıqdır.

Belə ki, qüsur təkərlərə ötürülən gücün itirilməsinə səbəb ola bilər ki, bu da qəza riskini artıra bilər.

Sözügedən nasazlıq “Tesla” servisləri tərəfindən pulsuz aradan qaldırılacaq.

Qeyd edək ki, bu, ötən ilin noyabrında satışa çıxarılan “Cybertruck” üçün artılq altıncı geri çağırışdır.

Namiq Musayev