“Tik-tok”da avtoşluq videosu yayan 21 yaşlı sürücü həbs edildi - FOTO - VİDEO

Bakıda yol hərəkəti qaydalarını kobud şəkildə pozaraq avtoxuliqanlıq edən sürücü saxlanılıb. Avtosfer.az xəbər verir ki, “Mercedes” markalı, 90-FK-572 dövlət nömrə nişanlı avtomobili idarə edən 21 yaşlı Şahin Şahbudaq oğlu Əliyev Nizami rayonu ərazisində avtoxuliqanlıq edərək çəkilən videoları sosial şəbəkələrdə yayıb. Törətdiyi əməllə cəmiyyətə pis nümunə olan sürücü Nizami rayon Dövlət Yol Polisi Şöbəsinin əməkdaşları tərəfindən saxlanılıb. Sürücü barəsində toplanılmış materiallar Nizami rayon Məhkəməsinə göndərilib. Məhkəmə baxışı zamanı Şahin Əliyevin törətdiyi əməllər təsdiqini tapıb və 15 gün müddətinə inzibati qaydada həbs edilib. Eyni zamanda, məhkəmə onu bir il müddətinə sürücülük hüququndan məhrum edib.

Emin