“Uber” sürücüsüz avtomobillərə keçir

"Uber" şirkəti avtopilot rejimində idarə olunan avtomobillərin alınması üçün "Volvo" şirkəti ilə 300 milyon dollarlıq sövdələşmə əldə olunduğunu açıqlayıb.

Avtosfer.az lent.az-a istinadən xəbər verir ki, avtomobillər ABŞ-ın Pitsburq şəhərində istifadə olunacaq. Avtonom avtomobillər əvvəlcə hər ehtimala qarşı sürücülər tərəfindən idarə ediləcək, lakin "Uber" tezliklə 1 milyon sürücünü pilotsuz texnologiya ilə əvəzləmək fikrindədir. Hazırda "Uber"in avtopilot rejimi rəqiblərdəki kimi təkmil olmasa da, sistem bütün sürücü funksiyalarını, o cümlədən parketmə və qeyri-standart şəraitdə idarəetməni bacarır. "Uber" pilotsuz avtomobillər sayəsində öz biznesini daha rentabelli etmək fikrindədir.