Yaponiya şirkəti avtonom idarə olunan avtomobil istehsal edəcək

Yaponiyanın yarımkeçirici çiplərin istehsalı üzrə aparıcı “Renesas Electronics” şirkəti avtomobilin avtonom idarə olunması ilə bağlı yeni sistemini təqdim edib. Avtosfer.az azərtac-a istinadən xəbər verir ki, yeni sistemli avtomobil yarımkeçirici çiplər vasitəsilə idarə olunur. Nəzarətin keyfiyyətini təmin etmək üçün dörd eyni yarımkeçirici çipdən istifadə nəzərdə tutulur. Bu, həm də təhlükəsizliyin təmin olunmasına xidmət edir. Çiplər sıradan çıxdığı təqdirdə sonuncu çip avtomobilin hərəkətini dayandıracaq. Avtomobildə, həmçinin sürücünü kiber hücumdan xəbərdar edən sistem də quraşdırılacaq.