Yeni nəsil elektriklə çalışan maşınlar satışda

Elektriklə çalışan avtomobil istehsalçısı “Tesla” növbəti modelini təqdim edib. Şirkətin rəhbəri Elon Mask bu barədə öz “Twitter” hesabından məlumat verib. Avtosfer.az publika.az-a istinadən xəbər verir ki, “Model 3” adlanan modelin qiyməti 35 min dollar olacaq. Avtomobil 350 km məsafəyə qədər fasiləsiz çalışa biləcək. İdman maşını hesab edilən “Model 3” saatda 100 km/saat sürəti altı saniyəyə yığır. Şirkət bu il həftədə 5 min, gələn ildən isə həftədə 10 min maşın satmağı planlaşdırır. Təqdimatdan sonra “Tesla”ya maraq böyük olub. Artıq “Model 3”-ə sahib olmaq istəyən 500 min nəfər depozit ödənişi edib.