Yol polisi bu maşınları harada tutsa cərimə meydançasına aparacaq - VİDEO

Son dövrlər Rusiya istehsalı olan avtomobilə quraşdırılan pnevmatik asqılar vasitəsilə avtomobilin qabaq və arxa hissəsi istənilən vaxt qaldırılır və endirilir. Mütəxəssislər bu qurğunun qanunvericiliyin tələbini pozmadığını bildirsə də, yol polisi belə avtomobillərin istismarının qadağan edildiyini bildirir.

Müasir avtomobillərə istehsal zamanı quraşdırlan pnevmatik asqıları xüsusən də Rusiya avtomobillərində tez-tez görmək mümkün olur. Belə avtomobillər yol polisi tərəfindən saxlanıldıqda cərimə meydançasına qoyulsa da. mütəxəssislər bunun qanunsuz olduğunu bildirir.

Ekspertlər hesab edir ki, bu tip qurğuların istifadə edilməsinə qanunvericilikdə heç bir qadağa yoxdur. Elə bu səbəbdəbdən qiyməti 1500 manatla 3000 manat arasında dəyişən belə qurğuların ölkəyə gətirilməsi qadağan deyil.

Baş Dövlət Yol Polisi İdarəsinin şöbə rəisi, polkovnik Kamran Əliyev isə açıqlamasında bildirdi ki, bu tip dəyişiklik konstruksiya dəyişikliyi sayılır və belə avtomobillər görüldüyü yerdə saxlanlılaraq cərimə meydançasına aparılır.

Yol polisinin sözlərinə görə, belə avtomobillər həm onu istifadə edənlər, həm də yol hərəkətinin digər iştirakçılarının həyatı üçün təhlükə yaratdığından onlara qarşı mübarizə aparılacaq.