Avtosfer.az | Reklam
Yol polisi buna görə sürücüləri daha cərimələməyəcək - VİDEO
Avtoxəbər 2 İyun 2020 10:00 Oxunub 12000
Yol polisi buna görə  sürücüləri daha cərimələməyəcək - VİDEO
İndi bütün zolaqlardan düzünə hərəkət etmək olar

Bakı-Sumqayıt yolunda hərəkətin təşkilinə dəyişiklik edilib. Avtosfer.az xəbər verir ki, əvvəllər Bakı-Sumqayıt yolunun üzü Xırdalan dairəsi istiqamətinə olan hissəsində (Ekologiya postunun qarşısında) sağdakı iki zolaq ancaq sağa-Sulutəpə dairəsi istiqamətinə hərəkət edən nəqliyyat vasitələri üçün təşkil edilmişdi. Bəzən sağ zolaqlarla hərəkət edən sürücülər Sumqayıt istiqamətinə getmək üçün sol zolağa yerdəyişmə edərkən 1.1 xəttinin tələbini pozurdular. Bu zaman yol polisi tərəfindən həmin sürücülərə cərimə yazılırdı. 


Adıçəkilən yolda genişləndirmə işləri aparıldıqdan sonra qeyd olunan yerdə hərəkətin təşkilinə dəyişiklik edilib. Dəyişiklikdən sonra sağdakı iki zolaq da daxil olmaqla bütün zolaqlardan düzünə- Xırdalan dairəsi və Sumqayıt şəhəri istiqamətinə hərəkət təşkil edilib. Bundan sonra oradan düzünə hərəkət edən sürücülər cərimələnməyəcək.

Bu dəyişiklik Azərbycan Avtomobil Yolları Dövlət Agentliyi tərəfindən həyata keçirilib.
Agentlik bu dəyişikliyi sürücülərin rahatlığı və təhlükəsizliyi üçün edib.

 

Təbriz

FOTO QALEREYA
ŞƏRH YAZ
Ad

E-mail

Şərh