Yol polisinin maşınını əzən şəxslə bağlı MARAQLI FAKTLAR
Avtoxəbər
19 Fevral 2016 20:11
Oxunub 84302
Şahin Bəylərov kondisioner ustası işləyirmiş
Bakıda yol polisinin avtomobilinin çəkiclə əzən Şahin Bəylərovla bağlı maraqlı faktlar üzə çıxıb. Hadisəni törədən Bəylərov Şahin Mail oğlu 1974-cü ildə Laçın rayonunda anadan olub və Nərimanov rayonu Montin qəsəbəsi, Daş karxanası deyilən ərazidə yaşayırmış. Bakıda kondisioner ustalığı ilə məşğul olan 42 yaşlı Şahin Bəylərov hadisə baş verən zaman oğlunu Nərimanov rayonundakı idman zallarından birinə qoyub qayıdırmış. Ailəli, 2 uşaq atası olan Şahin Bəylərovun hansı səbəbdən üstündə çəkic gəzdirməsinə gəlincə, məlum olub ki, o, şərq idman növləri ilə məşğul olurmuş və məşqlərdə müəyyən fəndləri yerinə yetirmək üçün bu alətdən istifadə edirmiş.
Avtosfer.az xəbər verir ki, lent.az-ın əldə etdiyi digər məlumata görə, Ş.Bəylərov barəsində 3 maddə üzrə cinayət işi açılıb. Onun çəkiclə Bakı Şəhər Dövlət Yol Polisi İdarəsinə məxsus BMW markalı, 99 YP 423 dövlət qeydiyyat nişanlı avtomobili əzməsi və üzərindən narkotik maddə tapılmasına görə Cinayət Məcəlləsinin 221-ci (xuliqanlıq), 234-cü (narkotik maddələrin qanunsuz dövriyyəsi) və 186-cı (əmlakı qəsdən məhv etmə) maddəsi ilə cinayət işi başlanaraq icraata verilib.
ŞƏRH YAZ
Elshan 21 Fevral 2016 00:51
Eslinde sual budur ki ay cammat hansi gic ustunde narkotikle polise yaxinlasar ve onun masinin cekicle ezer.Siz bunlara inanirsinizNiye bu serefsizlere demirler ki bes Bentliyle ickili halda gelib zapravkanin işçisin doyen sizden emele gelib sizin kimi serefsiz olan imkanli balasina niye qanunsuz silah dasimaq,ztetbiq etmek,hedelemek,şantaj,qesden insan saglamligina zerer vurmaq ve.s.statyalar tetbiq eilmedi.İndi bu yaziga bu qeder yükleyirler.
