12 günə 5 milyon ziyan - Aeroport açıldı

12 gün əvvəl terror hücumuna məruz qalan Brüssel aeroportu artıq açılıb. Aeroportda üç rəmzi uçuş həyata keçirilib.

Avtosfer.az azadliq.org-a istinadən bildirir ki, Belçika Hava Yollarına aid həmin təyyarələr günorta saatlarında güclənmiş təhlükəsilik tədbirləri altında Avropaya uçuşlar həyata keçirib.

Sərnişinlər terminal binasına daxil olmamışdan dəfələrlə yoxlanılıb.

Hazırkı təhlükəsizlik tədbirlərinə görə, sərnişinlərdən aeroporta uçuşdan 3 saat əvvəl gəlmələri tələb olunur.

Martın 22-də Brüssel aeroportunda və metrostansiyasında baş verən terror nəticəsində 30-dan çox adam ölmüşdü.

Terroru İŞİD üstünə götürmüşdü.

12 gün ərzində aeroportun  bağlı qalması Belçika Hava Yollarına 5 milyon avro ziyan vurub.