12 yaşlı uşaq məktəb avtobusunu oğurladı - VİDEO

Sükan arxasına keçən uşaq, avtomobillərin hərəkətdə olduğu yolda avtobus idarə etməklə faciəyə yaşıl işıq yandırdı. Avtosfer.az atv.az-a istinadən xəbər verir ki, bu görüntülər ABŞ-ın Meyn ştatında lentə alınıb. Banqor şəhərində yaşayan 12 yaşlı bir məktəbli  ictimai nəqliyyat vasitəsilə şəhər gəzintisinə çıxıb.

Həmin vaxt başqa bir avtomobillə hərəkətdə olan Con Cermeyn adlı sakin avtobusu idarə edən sürücünün təcrübəsiz olduğunu dərhal anlayıb. Maşına yaxınlaşanda nəqliyyat vasitəsini  uşağın idarə etdiyini görən amerikalı əvvəl telefonla baş verənləri faktlaşdırıb. Daha sonra maşından enərək avtobusa doğru qaçan Con, qapını açaraq  qəza baş vermədən azyaşlını sükandan uzaqlaşdırıb.

Həm uşağı, həm də böyük ehtimalla yoldakı digər sürücüləri potensial xəsarətdən xilas edən amerikalı, görüntüləri yerli polisə təqdim edib. Mediada yayımlanan kadrlar ölkədə ciddi rezonans yaradıb.  12 yaşlı uşağın məktəb avtobusunu oğurlamasının digər şagirdlər üçün örnək olacağından ehtiyat edilir.

Hər halda 12 yaşlı uşaq polis nəzarətinə götürülüb. Onun haqqında cəza tədbirləri görüləcəyi gözlənilir.