14 və 18 nömrəli marşrut xətlərinin intervallarında ləngimələr olacaq - VİDEO

Bakı Nəqliyyat Agentliyi 14 və 18 saylı marşrut xətləri ilə bağlı məlumat yayıb. BNA-dan Avtosfer.az-a verilən məlumata görə, Yasamal rayonu ərazisində Musabəyov parkından Yasamal bazarı istiqamətində aparılan yol təmir işləri səbəbindən 14 nömrəli marşrut xəttində fəaliyyət göstərən avtobuslardan biri ərazidə texniki problemlə üzləşib. Təmir briqadası dərhal hadisə yerinə çatdırılıb. Bu səbəbdən, təmir işləri yekunlaşana qədər 14 və 18 nömrəli marşrut xətlərinin intervallarında problemlər yaranacaq.