28 may stansiyasında qatar tüstülədi - VİDEO

Bakı Metropolitenin 28 may metrostansiyasında qatarda yanğın baş verib. Qəflətən tüstü qalxıb. Sərnişinlər təxliyyə edilib. Avtosfer.az xəbər verir ki, "Bakı Metropoliteni"nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev "Qafqazinfo"ya açıqlamasında bildirib ki, “28 May-Gənclik” stansiyaları arasında tuneldə tüstülənmə baş verib: "Qatarların hərəkətində heç bir problem yoxdur. Hazırda qurumun işçiləri tuneldə tüstülənmənin səbəbini araşdırır. Hadisə ilə bağlı ətraflı məlumat veriləcək".

FHN də hadisə ilə bağlı məlumat yayıb. Qeyd olunur ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Bakı Metropoliteninin 28 may stansiyasından Gənclik stansiyasına gedən tuneldə tüstülənmə olması barədə məlumat daxil olub. Dərhal Nazirliyin Dövlət Yanğından Mühafizə Xidmətinin yanğınsöndürənləri hadisə yerinə cəlb olunmuş, operativ tədbirlər nəticəsində tüstülənmənin mənbəyi aşkar edilmiş və qarşısı alınıb.

Avtosfer.az hadisədən görüntüləri təqdim edir: