3 günə 49044 sərnişin daşınıb

4-8 iyul tarixlərində Ramazan bayramı ilə əlaqədar Bakı Beynəlxalq Avtovağzalı gücləndirilmiş iş rejimində fəaliyyət göstərib. Avtosfer.az "qafqazinfo"-ya istinadən xəbər verir ki, bu barədə məlumatı Dövlət Avtomobil Nəqliyyatı Xidmətinin mətbuat katibi Şəfa Mehmanqızı yayıb. O bildirib ki, iyulun 5-i 706 reyslə 18681 sərnişin, iyulun 6-sı 566 reyslə 16750 sərnişin, 7 iyul tarixində isə 453 reyslə 13613 nəfər sərnişin daşınıb. Digər günlərlə müqayisədə Avtovağzalda ən çox sərnişin sıxlığı 5 iyul tarixində müşahidə olunub.

Ümumilikdə, Bakı Beynəlxalq Avtovağzalında 3 gün ərzində 1725 reyslə 49044 sərnişin daşınması həyata keçirilib.