380 aviareysi təxirə salındı – Tətilə görə

Almaniyanın “Lufthansa” aviaşirkətinin törəməsi olan “Eurowings” və “Germanwings” aviaşirkətlərinin təxminən 380 aviareysi təxirə salınıb. Avtosfer.az Rusiya mətbuatına istinadən xəbər verir ki, aviareyslərin təxirə salınmasına səbəb təyyarə bələdçilərinin oktyabrın 26-dan 27-nə keçən gecə başlayan tətili olub. Tətilin 24 saat davam etdirilməsi planlaşdırılıb. Bələdçilərin tətili əmək şəraitinin yaxşılaşdırılması və əmək haqlarının artırılması tələbi ilə bağlıdır.