400 min dollarlıq vakansiya elan edilib - Azərbaycanda

Asiya İnkişaf Bankı (ADB) Azərbaycanda Dəmir yolunun İnkişaf Proqramı çərçivəsində beynəlxalq şirkətlər üçün yeni vakansiya elan edib. Avtosfer.az xəbər verir ki, vakansiya üzrə əmək müqaviləsinin müddəti 6 ay nəzərdə tutulub. Keyfiyyət və Dəyər əsasında Seçim (Quality and Cost-Based Selection - QSBS) metodu ilə keçirilən müsabiqənin qalibi olan şirkətin 2017-ci il fevralın 1-dən işə başlaması planlaşdırılır. Müsabiqənin məqsədi məsləhət xidmətləri göstərəcək şirkətin seçilməsidir.

Noyabrın 2-si Manila vaxtı ilə saat 12:00-dək vaxtı bitəcək elan üzrə koordinator üçün ümumilikdə 443 200 ABŞ dolları məbləğində ödəniş edilməsi nəzərdə tutulub.

Bu vakansiya üzrə məsul şəxs ADB-nin nəqliyyat layihələri üzrə nümayəndəsi Jenq Vu (Zheng Wu), agent qurum kimi isə “Azərbaycan Dəmir Yolları” QSC müəyyən edilib.