50 maşın buzlu yolda qaldı

Avtosfer.az kanals-ə istinadən xəbər verir ki, qar şimal-qərb bölgəsində, xüsusilə dağlıq rayonlarda bir çox problemlərə yol açıb. Yolların buzlu olması qəza hadisələrini də qaçılmaz edib.

Dünən axşam saatlarında Şamaxıda yolların buz bağlaması səbəbindən nəqliyyatın hərəkəti ifilic olub. Şaxtalı hava sürücülərə çətin anlar yaşadıb.

Yollarda vəziyyət nəzarətdə saxlanılsa da 50-yə yaxın avtomobil hərəkətsiz qalıb. Yolların sürüşkən olması təhlükəni qaçılmaz edib, bir neçə yüngül qəza hadisələri qeydə alınıb.

Nəqliyyat vasitələri və piyadaların rahat hərəkətini təmin etmək məqsədilə yollar qardan təmizlənsə də, axşama yaxın temperaturun xeyli aşağı düşməsi fəsadlara yol açıb. Enişli-yoxuşlu yollar sürücülərin kabusuna çevrilib. Bəzi  avtomobilər geri qayıtmaq məcburiyətində qalıb.

Əvvəlcədən ehtiyat tədbirləri görən sürücülərə isə buzlu yollarda hərəkət etmək elə də çətin olmayıb.

Belə halların təkrar yaşanmaması üçün təxirəsalınmaz tədbirlər görülüb. Kommunal Təsərrüfat Birliyi gücləndirlmiş iş rejiminə keçib. Qarın təmizlənməsi üçün əraziyə texnika cəlb olunub.

Yollara qum və duz qarışığı tökülüb. Şəhərdaxili yollar gecə saatlarında işlək vəziyyətə gətirilib.