56 nəfərin ölümündə şübhəli bilinən cinayətkar tutulub

Hindistan polisi ölkədə ən çox axtarılan terrorçunun – Abdulla Sübhan Kureşinin yaxalandığını xəbər verib. Avtosfer.az "Report"a istinadən xəbər verir ki, bu barədə "Sinxua" agentliyi məlumat yayıb. Qeyd edilir ki, o, 2008-ci ildə Əhmədabadda törədilmiş silsilə partlayışlarda iştirak etməkdə şübhəli bilinir. Partlayışlar nəticəsində 56 nəfər həlak olub. Agentlik polisdəki mənbəyə istinadən bildirib ki, Kureşi hüquq-mühafizə orqanlarının əməkdaşları ilə qısamüddətli atışmadan sonra yaxalanıb. O, partlayıcı qurğular üzrə mütəxəssis hesab edilir. Kureşi Hindistanın "Bin Laden"i adlandırılıb.