59 yaşlı kişi özünü körpüdən atdı - Şəkidə
Gündəm
12 Noyabr 2016 02:34
Oxunub 1205
Ailəsindən ayrılan Vəli Uruciyev son illər tüfeyli həyat yaşayırmış
Şəkidə 59 yaşlı kişi özünü körpüdən ataraq intihar edib. Hüquq-mühafizə orqanlarından APA-nın Şəki-Zaqatala bürosuna verilən məlumata görə, hadisə noyabrın 11-i axşam saat 18 radələrində qeydə alınıb. Şəki şəhəri, Bağbanlar küçəsi ev 59 ünvanında yaşayan, 1957-ci il təvəllüdlü Vəli Əmrah oğlu Uruciyev hələ ki istintaqa məlum olmayan səbəbdən özünü Kiş çayı üzərindəki Qoxmuq körpüsündən ataraq intihar edib. Vəli Uruciyev aldığı xəsarətlərdən hadisə yerində keçinib. Məlumatda bildirilir ki, ailəsindən ayrılan Vəli Uruciyev son illər tüfeyli həyat yaşayırdı.
Faktla bağlı Şəki rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.
Qeyd edək ki, Kiş çayı üzərindəki Qoxmuq körpüsü Şəki şəhəri ilə Qoxmuq kəndini birləşdirir.
ŞƏRH YAZ
DİGƏR XƏBƏRLƏR
