69 yaşlı kişi niyə parkda yaşayır? - VİDEO

Mingəçevir sakini 69 yaşlı Vitali Zeynalov 10 gündən artıqdır ki, parkda gecələyir. O iddia edir ki, oğlu və keçmiş həyat yoldaşı iki evini satıblar.

"Evimi satıb, pulu da bölüblər. Oğlumun avtoservisi, mağazası var. Maşın alveri ilə də məşğuldur", - deyə V.Zeynalov söyləyib.

Onun sözlərinə görə, o, gənc yaşlarında Mingəçevirdə taksi fəaliyyəti ilə məşğul olub. Daha sonra Rusiyaya gedərək müxtəlif sahələrdə çalışıb. 18 il əvvəl həyat yoldaşından boşanıb.

Hazırda səhhətində problem olan 69 yaşlı kişi qocalar evinə yerləşdirilməsini istəyir.