740 aviareys təxirə salındı

Honqkonqda “Hayma” qasırğası nəticəsində 1 nəfər ölüb, 12 nəfər xəsarət alıb. Avtosfer.az Rusiya mətbuatına istinadən xəbər verir ki, qeyri-sabit hava şəraiti ilə əlaqədar 740 aviareys ləğv edilib və yaxud təxirə salınıb.

Şəhərdəki məktəblər, dövlət idarələri və Honqkonq fond birjası bağlanıb. Qeyd edək ki, bundan əvvəl “Sarika” qasırğası Çinin cənub bölgəsində ciddi fəsadlar törədib. İlkin hesablamalara görə, qasırğanın vurduğu ziyan 813 milyon dollar təşkil edir.