9 yaşlı uşaq "Jeep" sürdü, maşından narkotik və silah çıxdı - FOTO

Ukrayna polisi saxladığı "Jeep"in içində gördüklərinə inana bilməyib. Avtosfer.az-ın istipress-ə istinadən məlumatına görə, yol patrul xidmətinin əməkdaşları "Jeep Grand Cherokee" markalı maşını qaydalara riayət etmədiyi üçün saxlayıb. Avtomobilə yaxınlaşanda maşını 9 yaşlı uşağın idarə etdiyini görüblər. 33 yaşlı ata isə onun yanında - sərnişin oturacağında əyləşib.

Lakin polislərin çaşqınlığı bununla bitmyib. Onlar atadan sənədlərini tələb ediblər. Gənc adam sənədlərini axtaran zaman maşının saxlanc yerində onların gözünə silah dəyib. Yoxlamadan sonra bəlli olub ki, adı açıqlanmayan kişinin silahının heç bir sənədi yoxdur.

Bu zaman uşaq tualetə getmk istəyib. lakin onun yolda əlindəki bağlamanı tullamaq istəməsi də diqqətdən qaçmayıb. Polis bu bağlmanın içərisində narkotik tərkibli dərmanların olduğunu üzə çıxarıb.  9 yaşlı oğluna maşın idarə etdirən, onu çirkin əməllərinə qoşan kişiyə qarşı cinayət işi açılıb.