Abşeronda vəzifəli şəxslərin rüşvət alarkən çəkilən - VİDEOsu yayıldı

İqtisadiyyat Nazirliyi yanında Əmlak Məsələləri Dövlət Xidmətinin Abşeron ərazi şöbəsinin vəzifəli şəxslərinin rüşvət alarkən yaxalanması barədə grüntülər yayılıb.

Trend-in məlumatına görə, Abşeron rayonunda qanunsuz tikintiyə görə cərimə edilməməsi və gələcəkdə həmin binanın sökülməməsi üçün vətəndaşdan rüşvət alan Xidmətin Abşeron rayon şöbəsinin rəisi Anar Poladov cinayət başında yaxalanıb. A. Poladov və xidmətin əməkdaşı Səbuhi Rzayev əlbir olaraq vətəndaşdan Mehdiabad qəsəbəsində olan obyektin sökülməməsi üçün vətəndaşdan 900 manat rüşvət alarkən saxlanılıb.

Vəzifəli şəxslərin rüşvət alması ilə bağlı videogörüntü yayılıb. Hər iki şəxs barəsində həbs qətimkan tədbiri seçilib.