ADY-nin qatarlarına skuter və velosipedlə girmək olar? - RƏSMİ CAVAB

Təhlükəsizlik baxımından ADY-nin qatarlarına yalnız mühərriksiz və bateriyasız çalışan vasitələr buraxılır.

Avtosfer.az xəbər verir ki, bu barədə "Baku.ws"ə Azərbaycan Dəmir Yollarının (ADY) mətbuat katibi Sənubər Nəzərova bildirib.

O, həmçinin qeyd edib ki, qatarlarda velosiped aparılmasına da icazə verilir:

"Qatarlarımızda əl yükləri üçün nəzərdə tutulmuş yerlərdə bir ədəd qatlanabilən mühərriksiz və batareyasız velosipedi çexolunda, eləcə də FLIRT markalı qatarların dördüncü vaqonunda mühərriksiz və 2 ədəd batareyasız velosipedin daşınması üçün nəzərdə tutulmuş yerdə açıq vəziyyətdə ödənişsiz apara bilərsiniz".

Xatırladaq ki, ötən həftə "Baku.ws"in "qaynar xətti"nə ADY-nin qatarına skuterlə girə bilməyən gənc şikayətlə müraciət etmişdi.