Aeroport yaxınlığında güclü yanğın

Çili paytaxtındakı Arturo Merino Benites adına beynəlxalq aeroportun yaxınlığında güclü yanğın baş verib. Avtosfer.az Rusiya mətbuatına istinadən xəbər verir ki, 24 Horas telekanalının məlumatına görə, yanğın hələlik hava limanının işinə təsir göstərməyib. Bununla belə, polis yaxınlıqda yerləşən bir neçə avtomobil yolunda hərəkəti məhdudlaşdırmağa məcbur olub. Zərərçəkənlər barədə məlumat verilmir.

Hadisə yerində yanğınsöndürənlər işləyir. Onların bildirdiyinə görə, meşə yanğınları şin zibilxanasına yayılıb və ərazidə görmə məsafəsini nəzərəçarpacaq dərəcədə azaldıb. Güclü külək vəziyyəti bir qədər də mürəkkəbləşdirir.