Aeroportda şübhəli əşya aşkarlandı: sərnişinlər və əməkdaşlar təxliyə edilib

Köln hava limanının sərnişinləri və işçiləri hüquq-mühafizə orqanları əməkdaşlarının şübhəli əşya ilə bağlı məlumat əldə etməsindən sonra təxliyə edilib. Avtosfer.az "Report"a istinadən xəbər verir ki, aeroport əməkdaşları sərnişinlərdən birinin yükünü yoxlayan zamanı qəribə əşya görüblər. Bununla belə, şübhəli şəxs saxlanılmayıb, sadəcə, təxliyə ilə bağlı elan verilib. Hava limanından təxminən 500 nəfər təxliyə edilib. Hazırda 1 nömrəli terminalın işi dayandırılıb. Bundan əlavə, 11 reysin aeroportun digər terminalları vasitəsilə həyata keçiriləcəyi gözlənilir.