Aerportda zəhərli ilan, qurbağa aparan vətəndaş saxlanıldı

Niderlandın paytaxtı Amsterdamın hava limanında Rusiya vətəndaşı saxlanılıb. Avtosfer.az-ın Trend-ə istinadən məlumatına görə, sərnişinin saxlanmasının səbəbi çantasında diri ilan, qurbağa, kərtənkələ və tarakanlar aparması olub. Aeroport polisinin verdiyi məlumata görə, ilanlardan bəziləri zəhərli olub. Həmin şəxs heyvanları Braziliyadan Rusiyaya aparırmış. Qeyd olunur ki, o, zəhərli heyvanları bel çantasında apardığı üçün saxlanılıb.