Ağsu aşırımında hərəkət çətinləşdi - Xəbərdarlıq

Yanvarın 27-dən 28-nə keçən gecə yağan qar Ağsu dolaylarında avtomobillərin hərəkətində çətinliklər yaradıb. Avtosfer.az azərtac-a istinadən xəbər verir ki, xüsusilə Bakı-Şamaxı-Yevlax magistral yolunun 144-147-ci kilometrində - dolaylarda yollar tamamilə örtülüb. Burada qarın qalınlığı 4-5 santimetrə çatır. Yağan qar, şaxtalı hava və duman avtomobillərin hərəkətində çətinliklərə səbəb olub. 16 nömrəli “Yol İstismar” MMC-nin işçiləri qumsəpən və qreyderin köməyi ilə səhər saatlarından dolayların xüsusilə təhlükəli ərazilərində təmizləmə işləri aparır, yola duz və qum səpilir. Ciddi səbəb olmadığı halda Ağsu dolaylarından istifadə edilməsi məsləhət görülmür. Zərurət yarandıqda avtomobillərin sazlığı, şinlərin normal vəziyyətdə olması vacibdir.