Ailəsi tərəfindən şiddət görən azyaşlı ilə bağlı YENİ XƏBƏR - FOTO

“Hazırda uşağa olan şiddətlə bağlı istintaq gedir. Uşağın valideynlərdən alınması ilə bağlı məhkəmə qərarı yəqin ki, yaxın günlərdə çıxacaq”.

Bunu “Azərbaycan Uşaqları” İctimai Birliyinin sədri Kəmalə Ağazadə Lent.az-a açıqlamasında bildirib. O, bir neçə gün öncə Keşlə qəsəbəsində azyaşlının atası tərəfindən mütəmadi olaraq şiddətə məruz qaldığı barədə sosial şəbəkə hesabında paylaşdığı məlumatla bağlı yeni məlumatlar olduğunu deyib.

“Biz səbirsizlikləu valideynlərdən məhdudlaşdırılması qərarını gözləyirik. Bu məsələni eşidən anası hay-həşir salıb. Amma bu belə deyil. Əgər bu hadisəni törədib azyaşlıya şiddət göstəriblərsə, deməli bunun cəzasını da çəkməlidirlər. Məsələ çox ciddi nəzarət altındadır. İstər Ailə, Qadın və Uşaq Problemləri üzrə Dövlət Komitəsi, istərsə də İcra Hakimiyyəti yanında Komissiya tərəfindən”.

Atası tərəfindən şiddətə məruz qalan uşaq

Qeyd edək ki, Kəmalə Ağazada etdiyi paylaşımda azyaşlının şiddət görməsinə anasının susduğunu yazmışdı:

“Mənə zəng edib bu uşağın atası tərəfindən şiddət gördüyü, anasının isə vəziyyətə heç bir reaksiya vermədiyi bildirilib. Məsələ ilə bağlı aidiyyəti qurumlara məlumat vermişəm. Əgər bu uşağa qarşı cinayət faktları öz təsdiqini taparsa, ana da məsuliyyət daşımalıdır”.