“Air France”ın təyyarəsi təcili endi

“Air France” aviaşirkətinə məxsus təyyarə Paraqvayın paytaxtı Asunsyonda təcili eniş etməli olub. Avtosfer.az-ın Trend-ə istinadən məlumatına görə, enişə səbəb təyyarədə yanacaq sızması səbəb olub. Məlumata görə, Argentinadan hərəkət edən təyyarənin göyərtəsində yanacaq iyi yayılmağa başladıqdan sonra pilotlar eniş etmək barədə qərar qəbul ediblər. Eniş uğurla başa çatıb. Parisə uçuş həyata keçirməli olan təyyarədə 300 sərnişin olub. Sərnişinlərin başqa təyyarə ilə yola salınacaqları bildirilib.