Akkumulyator oğrusuna hökm oxunub

Bu gün Bakı Ağır Cinayətlər Məhkəməsində oğurluqda təqsirləndirilən Ötərxan İsmayılovun cinayət işi üzrə məhkəmə prosesi başa çatıb. Avtosfer.az apa-ya istinadən xəbər verir ki, hakim Mahmud Ağalarovun sədrliyi ilə keçirilən prosesdə hökm oxunub. Hökmə əsasən, Ö.İsmayılov 8 il 6 ay müddətinə azadlıqdan məhrum edilib. Qeyd edək ki, əvvəllər məhkum olunmuş Ötərxan İsmayılov ötən il Sumqayıt şəhər sakininin evindən oğurluq edib. O, 18 ədəd akkumulyator ələ keçirməklə, zərərçəkənə 1800 manatlıq ziyan vurub.