Ana öz tanışıyla birləşib doğma oğlunu öldürdü - Goranboyda ŞOK HADİSƏ - YENİLƏNİB - FOTO

Goranboyda 11 yaşlı yeniyetmənin qətlə yetiriıməsi ilə bağlı bəzi detallar məlum olub.

Hüquq mühafizə orqanlarından verilən məlumata görə, yeniyetmənin anası Gülay Təhməzova və sevgilisi Anar Məmmədov F.Təhməzovu döyərək öldürüb. 

Yeniyetmənin döyülərək öldürülməsinə səbəb Aşura günü özbaşına rayondan Gəncəyə İmamzadə məscidə getməsi olub.

G.Təhməzova avqustun 19-da uşağın itkin düşməsi barədə polisə müraciət edibmiş.

F.Təhməzovun sağlamlıq imkanı məhdudiyyəti var idi və autizm xəstəliyindən əziyyət çəkirmiş.

20:46

Goranboyda 11 yaşlı Fərid Təhməzovu öldürməkdə anası və onunla birgə yaşayan şəxs şübhəli bilinir.

Avtosfer.az-ın məlumatına görə, Goranboy rayon Goran qəsəbəsində qamışlıq ərazidə meyti tapılan 11 yaşlı F.Təhməzovun ölümündə onun anası Gülayət Təhməzova və onun qeyri-rəsmi nikahda yaşadığı Anar Məmmədov şübhəli bilinir.

İlkin məlumata görə, onlar F.Təhməzovu döyüb öldürərək, yeniyetmənin meyitini Goran ərazisindəki qamışlığa atıblar.
Qeyd edək ki, qadın polisə oğlunun aşura günü Gəncəyə getdiyini və həmin gündən itkin düşdüyünü bildirib.

Faktla bağlı araşdırma aparılır.