Ankaranı qana bulayan avtomobil – FOTO

Martın 13-də Ankarada törədilən qanlı terror aktında istifadə edilmiş bombalı avtomobilin markası və nömrəsi məlum olub.

Avtosfer.az Türkiyə mediasına istinadən xəbər verir ki, içərisində bomba yüklənmiş “34 HGH 44” dövlət nömrə nişanlı ağ rəngli “BMW” markalı avtomobil kamera görüntülərinə ən son terror aktından bir neçə dəqiqə öncə düşüb.

Görüntülərdən də aydın olur ki, terror aktında istifadə olunan avtomobil partladılan zaman PKK terrorçuları Demir, Kılıç və Ünsal avtomobildə olublar. Fotodakı avtomobilin ön oturacağında əyləşən sarı saçlı şəxs isə Demir olub. Partladılan zaman terror aktını törədən Demir və Ünsal hadisə zaman ölsə də, ancaq Kılıçın cəsədi aşkar edilməyib. 

Ehtimal edilir ki, Ankara terrorunda əli olan üçüncü terrorçu Kılıç hadisədən bir neçə dəqiqə öncə avtomobildən düşərək, başqa avtomobillə Ankaradan ayrılıb. Onun Suriyaya qaçdığı ehtimal edilir.