Astara-Astara dəmir yolu xətti istifadəyə verilir - VİDEO
Gündəm
8 Fevral 2018 01:04
Oxunub 930
Artıq yolda son tamamlama işləri gedir
Astara-Astara dəmir yolu xətti gələn ay istifadəyə veriləcək. Bunu İranın Azərbaycandakı səfiri Cavad Cahangirzadə deyib. Səfir bildirib ki, gələn ayın sonunda hər iki ölkənin prezidenti Astara-Rəşt dəmir yolu xəttinin təməlqoyma mərasimində iştirak edəcək. Həmin vaxt "Şimal-Cənub" nəqliyyat dəhlizinin birinci fazası olan və İranla Azərbaycanı birləşdirən Astara-Astara dəmir yolu xətti də istifadəyə veriləcək. Artıq yolda son tamamlama işləri gedir.
Cavad Cahangirzadə qeyd edib ki, ardınca ikinci mərhələnin tikintisi davam etdiriləcək. İşlərin 3 ilə, hətta daha tez başa çatdırılması planlaşdırılır.
Dəhliz vasitəsi ilə ilkin olaraq ildə 2 milyon ton yük daşınacağı gözlənilir.
Azərbaycan Astara terminalının tikintisinə 60 milyon dollar, Astara-Rəşt dəmir yolu xəttinin tikintisinə isə 500 milyon dollar investisiya yatırır.
ŞƏRH YAZ
DİGƏR XƏBƏRLƏR
