Atatürk hava limanında iki partlayış - ölü sayı 50 nəfər oldu - FOTO + Yenilənir
Gündəm
29 İyun 2016 00:33
Oxunub 1413
Partlayışların terror aktları olduğu istisna olunmur
İstanbulda Atatürk hava limanında iki dəfə partlayış baş verib. “Qafqazinfo”nun Türkiyə mətbuatına istinadən verdiyi məlumata görə, aeroporta giriş və çıxış bağlanıb. Partlayışların terror aktları olduğu istisna olunmur. Hadisə yerinə polis əməkdaşları və təcili tibbi yardım avtomobilləri cəlb olunub. Baş nazir Binəli Yıldırım partlayışla bağlı daxili işlər naziri Əfqan Ala və İstanbul valisi Vasip Şahinlə telefon əlaqəsi saxlayaraq böhran qrupunun yaradılması haqda göstəriş verib.
***
Doğan xəbər agentliyinin məlumatına görə, hadisə nəticəsində 1 nəfər həlak olub. Çoxsaylı insan yaralanıb. Xəsarət alanlar Bakırköy dövlət xəstəxanasına yerləşdirilib.
***
CNN telekanalı xəbər verir ki, ədliyyə naziri Bekir Bozdağ 10-a yaxın insanın öldüyünü, təxminən 20 insanın yaralandığını söyləyib. Nazir bildirib ki, bir terrorçu Kalaşnikovla ətrafa atəş açdıqdan sonra özünü partladıb.
***
Türkiyənin İstanbul şəhərinin Atatürk adına Beynəlxalq Hava Limanında baş vermiş terror hadisəsi zamanı ölənlərin sayı 50 nəfərə çatıb. "Report"un məlumatına görə, bu barədə "RİA Novosti" agentliyi xəbər yayıb. Agentliyin digər xəbərinə görə, ölənlər arasında xarici ölkə vətəndaşları da var.
ŞƏRH YAZ
