ATƏT cəbhə xəttinə kameralar yerləşdirəsi olmadı

Azərbaycan və Ermənistan qoşunlarının təmas xətti boyu insidentlərin araşdırılması mexanizminin tətbiqi təxirə salınır.

Avtosfer.az virtualaz.org-a istinadən bildirir ki, bu haqda Ermənistan mətbuatı yazıb. Bildirilir ki, ATƏT bu mexanizmlərin tətbiqi üçün zəruri vəsait tapa bilməyib.

Mexanizmlərin tətbiqi üçün ciddi məbləğ tələb olunur, çünki bunun üçün yüzlərlə kilometr uzunluqda təmas xətti boyu xüsusi texniki avadanlıqlar yerləşdirilməsi və onlara vaxtlı-vaxtında texniki xidmət göstərilməlidir. "Zəruri maliyyələşmənin tapılması üçün xeyli vaxt lazım olacaq. Hakimiyyət narahatdır ki, insidentlərin araşdırılması mexanizmləri bu il tətbiq edilməyəcək", - "Aykakan jamanax" qəzeti yazır.

Bildirilir ki, təmas xəttində insidentlərin araşdırılması mexanizmlərinin tətbiqi mümkün olmadığından prezidentlərin iyunun 20-də Sankt-Peterburqda keçiriləcək görüşündən irəliləyiş gözləməyə dəyməz.