Atışma törədən şəxs ölüm cəzasına məhkum edilə bilər - Florida aeroportunda

ABŞ federal prokurorluğu  Florida ştatının Fort-Loderdeyl  aeroportunda atışma törətməkdə şübhəli bilinən şəxsə qarşı ittihamlar irəli sürüb. Avtosfer.az apa-ya istinadən xəbər verir ki, Esteban Santyaqo insanların ölümü ilə nəticələnən zorakılıq hərəkətləri törətməkdə və odlu silah barədə qanunları pozmaqda şübhəli bilinir. Esteban Santyaqo həmin cinayətləri törətməkdə təqsirli bilinərsə, o ölüm cəzasına məhkum edilə bilər. İstintaqın məlumatına görə, Santyaqo qəsdən aeroporta gedərək insanları atəşə tutub.

Qeyd edək ki, insident nəticəsində 5 nəfər ölüb, 40-dan çox adam yaralanıb. Polis  Santyaqonu saxlamağa müvəffəq olub. Onun İraq müharibəsi veteranı olduğu, psixi problemləri ilə bağlı müalicə aldığı bildirilir.