Atışma zamanı polis rəisi həlak olub

Meksikanın Noçistlan şəhərində iki cinayətkar dəstə arasında atışma zamanı şəhərin polis idarəsinin rəisi də daxil olmaqla 4 nəfər ölüb. Avtosfer.az-ın APA-ya istinadən verdiyi xəbərə görə, atışma dekabrın 23-nə keçən gecə şəhərin mərkəzində baş verib. Cinayətkarlar hadisə yerinə cəlb olunan polisləri atəşə tutub. Nəticədə polis rəisi Xuan Pedro Parqa həlsk olub, daha bir polis əməkdaşı yaralanıb. Atışma zamanı 3 cinayətkar öldürülüb. Cinayətkarlar bir neçəsi zirehli olmaqla 10-dək müxtəlif markalı avtomobil, avtomat, tapança, qumbara və digər silah-sursatı hadisə yerində qoyaraq uzaqlaşıblar.