Avropa-Qafqaz-Asiya nəqliyyat dəhlizində yük daşımaları 7% artıb

2017-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25650,8 min ton, yük dövriyyəsi isə 5385,6 mln. ton-km olub. DSK-dan Avtosfer.az-a verilən məlumata görə, yüklərin 15512,7 min tonu və ya 60,5%-i avtomobil nəqliyyatı, 6614,0 min tonu və ya 25,8%-i dəmir yolu nəqliyyatı, 3524,1 min tonu və ya 13,7%-i dəniz nəqliyyatı ilə daşınıb. 2016-cı ilin müvafiq dövrü ilə müqayisədə dəhliz vasitəsilə daşınmış yüklərin həcmində 7,4% artım müşahidə edilib. Dəhliz vasitəsilə daşınmış yüklərin 19,6%-ni və ya 5037,3 min tonunu tranzit yüklər təşkil edib.