Avstraliyaya uçan sərnişinlər başqa cür yoxlanılacaq

Avstraliya hökuməti gələn həftədən Yaxın Şərqdən Avstraliyaya uçan sərnişinlərin əlavə yoxlanılması barədə qərar qəbul edib. Avtosfer.az-ın Trend-ə istinadən məlumatına görə, bunu Avstraliyanın infrastruktur inkişafı nəqliyyat naziri Darren Çester deyib. Avstraliyalı nazir bildirib ki, sərnişinlərin baqajları təyyarədən enmə zonasında yoxlanacaq. Yoxlamalar Doha, Əbu-Dabi və Dubaydan gələn uçuşlara şamil olunacaq. Nazir əlavə edib ki, təyyarələrdə elektron avadanlıqlarının qadağan olunması barədə hər hansı bir qərar qəbul olunmayıb.